सामाजिक कार्यकर्ते युवराज भाऊ बिजागरे यांच्या हस्ते वाकडी शाळेत शिक्षकांचा सन्मान
शिक्षक दिनी वाकडी येथील शिक्षकांचा सत्कार
जामनेर तालुक्यातील वाकडी येथील जिल्हा परिषद प्राथमिक केंद्र शाळेत शिक्षक दिनानिमित्ताने एक विशेष कार्यक्रम आयोजित करण्यात आला. या कार्यक्रमात शाळेतील सर्व शिक्षकांचा सत्कार करण्यात आला.
सामाजिक कार्यकर्ता म्हणून जामनेर तालुक्यात ओळख निर्माण केलेले श्री. युवराज भाऊ बिजागरे (पेंटर) यांनी या कार्यक्रमाचे आयोजन केले होते. त्यांनी शिक्षकांना रुमाल व टोपी देऊन त्यांचा सन्मान केला. या प्रसंगी त्यांनी शिक्षकांच्या योगदानाचे कौतुक केले आणि शिक्षण क्षेत्रातील त्यांच्या महत्त्वपूर्ण भूमिकेबद्दल आभार व्यक्त केले. कार्यक्रमात शाळेतील विद्यार्थ्यांनीही आपल्या गुरुजनांबद्दल आदर व्यक्त करून शिक्षक दिनाचे महत्त्व सांगितले. शाळेचे मुख्याध्यापक, शिक्षकवृंद, तसेच विद्यार्थी आणि पालक वर्ग या प्रसंगी उपस्थित होते.
शिक्षक दिनानिमित्त आयोजित केलेल्या या कार्यक्रमामुळे शिक्षकांचा सन्मान आणि प्रेरणा वाढली असून, समाजसेवक श्री. बिजागरे यांनी दिलेल्या या आदराच्या सन्मानाने सर्वांनाच प्रेरित केले.
Previous article
Next article
Leave Comments
टिप्पणी पोस्ट करा