अखेर ममतांविरोधात भाजपचा उमेदवार ठरला ! होणात तगडी फाईट
एकेकाळी सुवेंदू अधिकारी हे मुख्यमंत्री ममता बॅनर्जी यांचे निकटवर्तीय म्हणून ओळखले जात होते. मात्र, काही महिन्यांपूर्वीच त्यांनी तृणमूल काँग्रेसला सोडचिठ्ठी देऊन भाजपमध्ये प्रवेश केला आहे. तृणमूल सोडताना त्यांनी मुख्यमंत्री बॅनर्जी यांच्यावर कठोर टीका केली होती. बॅनर्जी या पक्षामध्ये घराणेशाही लादत असून राज्यात अराजकता पसरली असल्याचाही आरोप त्यांनी केला होता. त्यानंतर अधिकारी यांनी स्वत:हून ममता बॅनर्जी यांच्याविरोधात निवडणूक लढविण्याची तयारी दाखविली होती. त्यानंतर आता भाजपनेही अधिकारी यांना उमेदवारी देऊन ममता बॅनर्जी यांच्यापुढील अडचणी वाढविल्या आहेत.
दिनेश त्रिवेदी अखेर भाजपमध्ये
राज्यातील कायदा व सुव्यवस्थेची दुरावस्था झाल्याचे सांगून राज्यसभेतच सदस्यत्वाचा राजीनामा देणारे तृणमूलचे माजी खासदार दिनेश त्रिवेदीही अखेर भाजपवासी झाले आहेत. भाजपचे राष्ट्रीय अध्यक्ष जगतप्रकाश नड्डा यांच्या उपस्थितीत त्यांनी शनिवारी भाजपमध्ये प्रवेश केला आहे.
Leave Comments
टिप्पणी पोस्ट करा