तिसऱ्या आघाडीची तयारी नाही : शरद पवारांच्या घरी झालेल्या बैठकीचा अजेंडा तिसरी आघाडी नाही

प्रतिनिधी:रविना यादव.

     राष्ट्रवादी काँग्रेस पक्षाचे सर्वेसर्वा शरद पवारांच्या घरी राष्ट्रमंचची बैठक झाली. टीएमसीचे उपाध्यक्ष आणि राष्ट्रमंचचे संस्थापक यशवंत सिन्ही देखील शरद पवारांच्या घरी उपस्थित होते. शरद पवार आणि यशवंत सिन्हा अध्यक्षस्थानी होते. शरद पवार यांच्या उपस्थितीत झालेल्या बैठकीबाबत राष्ट्रवादीचे नेते माजिद मेमन यांचे विधान समोर आले असून त्यांनी तिसर्‍या आघाडीची तयारी करण्याचा अजेंडा फेटाळून लावला आहे.

मेनन म्हणाले, 'माध्यमांमध्ये असे सांगितले जात आहे की शरद पवार यांनी भाजप विरोधी राजकीय पक्षांना एकत्र आणण्यासाठी राष्ट्र मंचची बैठक बोलवली आहे. हे पूर्णपणे चुकीचे आहे. मला हे स्पष्ट करायचे आहे की ही बैठक शरद पवार यांच्या निवासस्थानी झाली होती, परंतु त्यांनी बैठक बोलावली नाही.

या बैठकीमध्ये राष्ट्रवादीकडून माजिद मेमन आणि वंदना चौहान, माकपचे राज्यसभा खासदार विनय विश्वाम, आम आदमी पक्षाचे सुशील गुप्ता, सपाचे घनश्याम तिवारी, आरपीडीचे जयंत चौधरी, सीपीएमचे निलोतपाल वासु आणि वरिष्ठ वकील केटीएस तुळसी, पत्रकार करण थापर आणि आशुतोष यांचा समावेश आहे.

   या बैठकीच्या काही तासांपूर्वी वृत्त आले होते की, पवारांच्या घरी होणाऱ्या बैठकीचा तिसरा मार्च्यासोबत काहीच संबंध नाही. आदल्या दिवशी राष्ट्र मंचची बैठक पवारांच्या घरी होण्याची घोषणा झाल्यापासून 2024 मध्ये होणाऱ्या लोकसभा निवडणुकांसाठी तिसरी आघाडी तयार करण्याचा अंदाज वर्तवला जात होता.

Previous article

Next Post

Next article

Previous Post