अंत्रोळी येथील कै.गिरीष आपटे सार्वजनिक गणेशोत्सव मंडळाच्या गणपतीचे थाटात व शांततेत विसर्जन संपन्न...

समीर शेख प्रतिनिधी

सोलापूर (मंद्रूप) : अंत्रोळी येथील कै. गिरीश आपटे सार्वजनिक गणेशोत्सव मंडळाच्या नऊदिवशीय विसर्जन मिरवणुकीस गणपती बाप्पा मोरया पुढच्या वर्षी लवकर या…या गजरात रविवार (ता. १५ ) संध्याकाळी सहा नंतर श्री गणेश विसर्जनाच्या मिरवणूकीस प्रारंभ झाला. व रात्री दहा वाजता विसर्जनाचा सोहळा मोठ्या दिमाखात व शांततेत संपन्न झाला. 

    प्रथमता श्रीची महापुजा अंत्रोळी गावचे प्रगतशील द्राक्ष बागायतदार बाळासाहेब झांबरे पाटील यांच्या हस्ते करण्यात आली.

   यानंतर चिमुकल्यांनी,युवकांनी लेझीम खेळ खेळत गणेश विसर्जन मिरवणुक अभूतपूर्व जल्लोषात डीजे च्या गजरात, जल्लोषात नाचत, गुलालची उधळण करीत गणपती बाप्पा मोरया पुढच्या वर्षी लवकर या च्या घोषणा देण्यात आल्या व बाप्पांच्या भक्तांनी त्यांना निरोप दिला. व गणपती विसर्जन शांततेत पार पडले.

     ही विसर्जन मिरवणुक मंडळाच्या पदाधिकारी व ग्रामस्थ , मंद्रूप पोलीस स्टेशनच्या सहकार्य व्यवस्थित रित्या संपन्न झाली. 

       यावेळेस या मिरवणुकीत आलेल्या मंद्रूप पोलीस स्टेशनच्या अधिकाऱ्याचे व मंद्रूप पोलीस स्टेशन चे सहाय्यक पोलिस निरीक्षक मनोज पवार, पोलीस उपनिरीक्षक आर. एल. डांगे व पोलीस पाटील फिरोज शेख व ग्रामस्थांचे मंडळाचे अध्यक्ष पत्रकार समीर शेख व उपाध्यक्ष विजय कोळी , सचिव रावसाहेब कोळी , तरबेज शेख, खजिनदार विकि काबळे ,सदस्य आकाश कोळी , राजकुमार बसनाळे यांनी आभार व्यक्त केले.

   यावेळी कै. गिरीश आपटे सार्वजनिक गणेशोत्सव मंडळाचे अध्यक्ष ,उपाध्यक्ष ,व सर्व सदस्य तसेच गावातील जेष्ठ नागरिक,व ग्रामस्थ मोठ्या संख्येत उपस्थित होते.

Previous article

Next Post

Next article

Previous Post