जामनेरात भाजपची भव्य बैठक – मंत्री गिरीश महाजनांचं खडसेंना थेट आव्हान, मुक्कामी राहा आणि मला पाडून दाखवा
जामनेर विधानसभा मतदारसंघातील भाजपच्या विस्तृत बैठकीत मंत्री गिरीश महाजन यांनी माजी मंत्री आ. एकनाथ खडसेंवर घणाघाती टीका करत उपस्थितांमध्ये खळबळ उडवली. महाजन यांनी खडसेंना थेट आव्हान देत म्हटले, तुमचं बोदवड महिना महिना पाण्यावाचून तडफडतंय, आधी ती पाणीटंचाई सोडवा, मग विकासाचं बोला खडसे यांचं नेतृत्व आणि त्यांच्या विकासाच्या दाव्यांवर प्रश्नचिन्ह उपस्थित करत महाजन यांनी स्पष्ट केले, स्वतःची ग्रामपंचायतही जिंकू न शकणारे खडसे जामनेरच्या विकासावर बोलू नये. यावेळी त्यांनी खडसेंना थेट आव्हान दिले, जर मला पाडायचं असेल, तर इथेच मुक्कामी रहा आणि पाडून दाखवा
बैठकीत भाजपा नेते खासदार बंशीलालजी गुर्जर आणि आ. आशिषभाई देसाई यांची प्रमुख उपस्थिती होती. बैठकीत कार्यकर्त्यांना शेवटच्या घटकापर्यंत विकास योजना पोहोचवण्याचे आणि जनतेशी संवाद वाढवण्याचे निर्देश देण्यात आले.बैठक मोठ्या उत्साहात पार पडली, आणि कार्यकर्त्यांच्या चेहऱ्यावर महाजनांच्या जोरदार आव्हानामुळे उत्सुकता आणि आत्मविश्वास दिसून आले.
Previous article
Next article
Leave Comments
टिप्पणी पोस्ट करा