जामनेरात'नमो कुस्ती महाकुंभ २.०' चे आयोजन...
जामनेर शहरात येत्या 16 फेब्रुवारी रोजी 'नमो कुस्ती महाकुंभ २.०' या भव्य कुस्ती स्पर्धेचे आयोजन करण्यात आले आहे. या ऐतिहासिक स्पर्धेचे आयोजन महाराष्ट्र राज्याचे जलसंपदा मंत्री मा. ना. गिरीशभाऊ महाजन यांच्या वतीने करण्यात येत आहे. कार्यक्रमासाठी जामनेरच्या हीवरखेडा रोड मैदानाची निवड करण्यात आली आहे.
आज सकाळी मंत्री गिरीशभाऊ महाजन यांनी त्यांच्या निवासस्थानी पत्रकार परिषद घेत या कार्यक्रमाबाबत सविस्तर माहिती दिली. या स्पर्धेत विविध देशांतील आंतरराष्ट्रीय स्तरावरील नामांकित पैलवान सहभागी होणार असल्याची माहिती त्यांनी दिली.
- या भव्य दिव्य स्पर्धेची जबाबदारी हिंद केसरी रोहित पटेल यांच्याकडे सोपवण्यात आली आहे.
- अनेक देशांतील नामवंत कुस्तीपटू या महाकुंभात आपली ताकद आजमावणार आहेत.
- हा कार्यक्रम केवळ कुस्ती क्षेत्राचाच नव्हे तर जामनेरच्या लौकिकासाठी महत्त्वाचा ठरणार आहे.
- तारीख: 16 फेब्रुवारी 2025
- ठिकाण: हीवरखेडा रोड मैदान, जामनेर
मंत्री गिरीशभाऊ महाजन यांचे आवाहन
मंत्री गिरीशभाऊ महाजन यांनी या भव्य कुस्ती महाकुंभाला मोठ्या संख्येने उपस्थित राहण्याचे आवाहन नागरिकांना केले आहे. त्यांनी या कार्यक्रमाला क्रीडा क्षेत्रातील ऐतिहासिक पर्वणी असल्याचे सांगितले.
Leave Comments
टिप्पणी पोस्ट करा