न्यू इंग्लिश स्कूल, जामनेरच्या विद्यार्थ्यांचा शिष्यवृत्ती परीक्षेत अभूतपूर्व यश – 17 विद्यार्थ्यांचा जिल्हा गुणवत्ता यादीत समावेश

जळगांव जिल्हा प्रतिनिधी नितीन इंगळे 

फेब्रुवारी 2025 मध्ये घेण्यात आलेल्या राज्य शिष्यवृत्ती परीक्षेत न्यू इंग्लिश स्कूल, जामनेरच्या विद्यार्थ्यांनी दैदिप्यमान कामगिरी करत संपूर्ण जिल्ह्यात आपल्या शाळेचे नाव उज्ज्वल केले आहे. पूर्व माध्यमिक (इयत्ता 8 वी) शिष्यवृत्ती परीक्षेत तब्बल 15 विद्यार्थी जिल्हा गुणवत्ता यादीत स्थान मिळवून देणारी ही जिल्ह्यातील एकमेव शाळा ठरली आहे. तसेच पूर्व प्राथमिक (इयत्ता 5 वी) परीक्षेतही दोन विद्यार्थ्यांनी गुणवत्ता यादीत घवघवीत यश मिळवले.

या सर्व गुणवंत विद्यार्थ्यांचा गौरव सोहळा मा. नामदार गिरीषभाऊ महाजन (जलसंपदा तथा आपत्ती व्यवस्थापन मंत्री, महाराष्ट्र राज्य) यांच्या हस्ते नुकताच संपन्न झाला. यावेळी जामनेर तालुका एज्युकेशन सोसायटीचे सचिव श्री. जितूभाऊ पाटील तसेच समिती प्रमुख ललित लामखेडे यांचा सुद्धा सत्कार करण्यात आला.

पूर्व माध्यमिक (इयत्ता 8 वी) शिष्यवृत्ती परीक्षेत गुणवत्ताधारक विद्यार्थी:

 चि. ऋग्वेद श्रीपाद पेडगावकर – तालुक्यात प्रथम व जिल्ह्यात तृतीय

 चि. यश अनिल डोंगरे – जिल्ह्यात 4 था

 चि. पाटील जयराज ईश्वर – जिल्ह्यात 29 वा

 कु. पाटील निशा गजानन – जिल्ह्यात 36 वी

 चि. कोळी ओम राजेंद्र – जिल्ह्यात 55 वा

 कु. साळवे मीनल राजेंद्र – जिल्ह्यात 85 वी

 कु. भामरे सोनल मनोज – जिल्ह्यात 108 वी

कु. पाटील प्राची प्रवीण – जिल्ह्यात 115 वी

 कु. तांडे अनघा उमाकांत – जिल्ह्यात 126 वी

 कु. पाटील सोनाक्षी उमेश – जिल्ह्यात 127 वी

कु. शेळके सृष्टी नंदू – जिल्ह्यात 138 वी

 कु. जोशी रेणुका नरेंद्र – जिल्ह्यात 150 वी

 कु. शिसोदे नीलिमा रामेश्वर – जिल्ह्यात 191 वी

 कु. पाटील निकिता प्रवीण – जिल्ह्यात 195 वी

 कु. जाधव यशश्री हितेंद्र – जिल्ह्यात 197 वी

पूर्व प्राथमिक (इयत्ता 5 वी) परीक्षेत गुणवत्ताधारक विद्यार्थी:

चि. महाजन दक्ष महेश – जिल्ह्यात 243 वा

 चि. काकर दर्शन किरण – जिल्ह्यात 254 वा

विद्यार्थ्यांच्या या यशस्वी कामगिरीसाठी समिती प्रमुख श्री. ललित लामखेडे सर, श्री. के.के. पवार सर यांनी अभ्यास व मार्गदर्शन केले.

कार्यक्रमाला विद्यार्थी, पालकवर्ग व शिक्षक मोठ्या संख्येने उपस्थित होते.

या यशाबद्दल विद्यार्थ्यांचे, त्यांचे पालक व मार्गदर्शक शिक्षक यांचे हार्दिक अभिनंदन जामनेर तालुका एज्युकेशन सोसायटीचे अध्यक्ष मा. जितेंद्र बाबुराव पाटील, सचिव मा. जितेंद्र रमेश पाटील तसेच संचालक मंडळ, न्यू इंग्लिश स्कूलचे मुख्याध्यापक श्री. एस.पी. महाजन सर, पर्यवेक्षक श्री. एस.ए. सुरवाडे सर, श्री. पी.एस. पाटील सर व सर्व शिक्षक व शिक्षकेतर कर्मचारी यांनी केले आहे.

या विद्यार्थ्यांनी आपल्या अभ्यास, कष्ट आणि चिकाटीच्या जोरावर मिळवलेल्या या उज्ज्वल यशाने शाळेचे व जामनेर तालुक्याचे नाव अभिमानाने उंचावले आहे.

Previous article

Next Post

Next article

Previous Post