एक गेला, दुसरा मरणाशी झुंजतोय — मदतीसाठी गावकऱ्यांचा आक्रोश

जळगाव जिल्हा प्रतिनिधी नितीन इंगळे 

जामनेर तालुक्यातील दोहरी तांडा येथे अत्यंत धक्कादायक घटना घडली आहे. एका गरीब शेतकऱ्याचे दोन बैल अचानक शेतातच खाली पडून तडफडू लागले. ही परिस्थिती पाहून गावातील नागरिकांनी तातडीने प्रशासनाशी संपर्क साधत मदतीची याचना केली.

मात्र, अनेक वेळा फोन करूनही संबंधित प्रशासनाकडून कोणतीही तातडीची दखल घेतली गेली नाही, असा गंभीर आरोप ग्रामस्थांनी केला आहे. मदतीच्या प्रतीक्षेत असतानाच दुर्दैवाने एका बैलाचा मृत्यू झाला, तर दुसरा बैल अजूनही तडफडत असून त्याची अवस्था अत्यंत गंभीर आहे.

घटनास्थळी मोठ्या प्रमाणावर ग्रामस्थ जमा झाले असून प्रशासनाच्या निष्क्रियतेबद्दल संताप व्यक्त केला जात आहे. वेळीच पशुवैद्यकीय अधिकारी पोहोचले असते, तर कदाचित एक तरी जीव वाचला असता, अशी भावना नागरिकांकडून व्यक्त होत आहे.

सध्या गावकऱ्यांची एकमुखी मागणी आहे की, प्रशासनाने तात्काळ पशुवैद्यकीय अधिकारी घटनास्थळी पाठवून उर्वरित बैलाचे प्राण वाचवावेत, तसेच संपूर्ण घटनेची चौकशी करून संबंधित शेतकऱ्याला योग्य नुकसानभरपाई द्यावी.

ही घटना प्रशासनाच्या प्रतिसादातील उशीर किती गंभीर ठरू शकतो, याचे जिवंत उदाहरण ठरत असून तातडीने कारवाई करण्याची गरज अधोरेखित करत आहे.

Previous article

This Is The Newest Post

Next article

Previous Post