मुसळधार पावसामुळे वाडीपीर मध्ये ओढा पात्राबाहेर

प्रशांत आडसर बदलापूर प्रतिनिधी :-

कोल्हापूर - सलग दोन-तीन दिवस जोरदार मुसळधार पावसामुळे करवीर तालुक्यातील वाडीपीर येथील ओढ्याचे पात्र ओसंडून पात्राबाहेर पडले आहे. हे पाणी वाडीपीर चे ग्रामदैवत पीर देवस्थानच्या आसपास असणाऱ्या वस्तीमध्ये शिरले आहे. राठोड फौंडेशनचे सुरेश राठोड पत्रकार यांच्या घरापासून ग्रामदेवताच्या हद्दीत राहणाऱ्या सर्व नागरिकांच्या उंबऱ्या पर्यंत पाण्याचा ओघ ओसंडून वाहत आहे. शेतातील बांध फुटलेले आहेत त्यामुळे शेतकऱ्यांचे मोठे नुकसान झाले आहे. आज गुरुवार असल्यामुळे गावातील सर्व नागरिक ग्रामदेवता च्या दर्शनाला जाताना तारेवरची कसरत करत जाताना दिसत होते तर काही नागरिक पाण्याचा लोड पाहून तसेच मागे फिरले. असाच पाऊस सुरू राहिला तर वाडीपिर मधल्या नागरिकांना अत्यावश्यक सेवेची गरज लागेल. तात्काळ वाडीपीर च्या सरपंच, उपसरपंच, सर्व सदस्य व ग्रामसेवक यांनी पाहणी केली आहे. यांना वगळता अजून कोणत्याही शासकीय अधिकाऱ्यांनी पाहणी व चौकशी केलेली नाही. गेल्या दोन वर्षापूर्वी ही अशी स्थिती होती त्यावेळी शासकीय अधिकाऱ्यानी कानाडोळा करत काही लोकांना शासकीय मदत देत काही लोकांना आजही अधांतरीत ठेवले आहे. यावेळी तर मदतीचा हात शासनाकडून मिळावा अशी सर्व शेतकऱ्यांची मागणी आहे.

Previous article

आजचे राशिभविष्य २३-०७-२०२१

Next article

सागर सिमेंटच्या वतीने मंद्रुप येथे प्राथमिक शाळेतील गरजू मुलांना वह्यांचे वाटप