सधन कुक्कुट विकास गट स्थापनेकरिता अर्ज करावेत...

 समीर शेख सोलापूर जिल्हा प्रतिनिधी                                            सोलापूर दि.24 :-जिल्ह्यातील माढा व सांगोला या दोन तालुक्यातून सार्वजनिक  खाजगी भागीदारी तत्वावर सधन कुक्कुट विकास गटाची स्थापना करणे या योजनेसाठी जिल्हा पशुसंवर्धन उपआयुक्त, सोलापूर कार्यालयामार्फत सन 2021-22 करिता राबविण्यासाठी सन 2017-18 अतंर्गत 50 टक्के अनुदानावर पशुपालक लाभार्थ्यांची सर्व प्रवर्गातून प्रति तालुका 1 या प्रमाणे लाभार्थी निवड करण्यात येणार आहे.सर्व प्रवर्गातून प्रति तालुका 1 या प्रमाणे लाभार्थी निवड करण्यात येणार आहे. सर्व प्रवर्गातील लाभार्थ्यांना शासनाचे 50 टक्के अनुदान एकदाच देय आहे. एकुन प्रकल्प किंमत रु.1027500/- पैकी सर्व प्रवर्गातील लाभार्थ्यांना 50 टक्के अनुदान म्हणजेच रु.513750/-  शासनाचे अनुदान  देय असून उर्वरित 50 टक्के रक्कम लाभार्थी स्वत:चा हिस्सा किंवा वित्तीय संस्थेकडून कर्ज घेऊन उभा करु शकतील.                                     क

इच्छुक लाभार्थींनी संबधित पंचायत समिती येथील पशुधन विकास अधिकारी (वि.)/लगतच्या तालुका लघुपशुवैद्यकिय सर्वचिकित्सालय/पशुवैकिय दवाखाना श्रेणी-1/2 यांचेशी संपर्क साधुन विहीत अर्जाचा नमुना प्राप्त करुन घेऊन परिपूर्ण अर्ज संबधित पंचायत समिती मध्ये पशुधन विकास अधिकारी (विस्तार), पंचायत समिती यांचेकडे दिनांक 9 मार्च 2022 अखेर सादर करुन योजनेचा लाभ घ्यावा, असे आवाहन जिल्हा पशुसंवर्धन उपआयुक्त डॉ. एन.ए.सोनवणे यांनी केले आहे.

Previous article

Next Post

Next article

Previous Post