जामनेर तहसीलमध्ये जप्त वाहनांचा लिलाव.. अवैध गौणखनिज वाहतूक करणाऱ्यांवर कारवाई..

जळगाव जिल्हा प्रतिनिधी नितीन इंगळे 

 जामनेर तालुक्यातील अवैध गौणखनिज वाहतूक करत असताना जप्त करण्यात आलेल्या वाहनांवर आता दंडात्मक कारवाईची वेळ आली आहे. तहसिलदार कार्यालयाने जारी केलेल्या आदेशानुसार, संबंधित वाहनांच्या मालकांनी दंडाची रक्कम शासनात जमा न केल्याने त्यांच्या वाहनांवर लिलावाची प्रक्रिया सुरू करण्यात येणार आहे.

लिलावाची माहिती 

दि. 23 ऑगस्ट 2024 रोजी सकाळी 11 वाजता तहसिल कार्यालय, जामनेर येथे जप्त वाहनांचा लिलाव होणार आहे. या लिलावात पुढील वाहनांचा समावेश आहे:

1. भुषण जगन्नाथ वाघ - डंपर क्र. MH19Z3015, अंदाजित मूल्य: ₹3,22,655

2. राजेंद्र देवगिर गोसावी - इंजिन क्र. JBHZ430403, डंपर, अंदाजित मूल्य: ₹2,80,000

3. विनोद उर्फ बंडू विश्वास पाटील (विष्णु लक्ष्मण काळे) - डंपर क्र. MH20 DE3204, अंदाजित मूल्य: ₹2,91,545

4. ज्ञानेश्वर दिनकर बावस्कर - ट्रक क्र. MH 41 G5321, अंदाजित मूल्य: ₹2,45,780

5. अरुण पंढरीनाथ नन्नवरे - आयशर क्र. MH18 AA8240, अंदाजित मूल्य: ₹2,50,000

6. तस्लीम कदीर पटेल - डंपर क्र. MH22 AA82908, अंदाजित मूल्य: ₹7,00,000

लिलावात सहभागाची प्रक्रिया

या लिलावात सहभाग घेऊ इच्छिणाऱ्या व्यक्तींनी कार्यालय, जामनेर येथे संपर्क साधावा, असे आवाहन तहसिलदार जामनेर यांनी केले आहे. 

सदर लिलावाद्वारे शासनाचे महसूल वसुल करण्याची प्रक्रिया होणार असून, या लिलावामुळे जामनेर तालुक्यातील अवैध गौणखनिज वाहतुकीवर अंकुश येण्याची शक्यता आहे.

Previous article

Next Post

Next article

Previous Post