ईद ए मिलादनिमित्त जामनेर उपजिल्हा रुग्णालयात समाजवादी पार्टीतर्फे रुग्णांना फळे व बिस्किटांचे वाटप

जळगाव जिल्हा प्रतिनिधी नितीन इंगळे 

संपूर्ण जगाला मानवता, शांतता आणि एकात्मतेचा संदेश देणारे प्रेषित हजरत मोहम्मद पैगंबर यांच्या जयंतीनिमित्त, ईद ए मिलादचा पवित्र उत्सव जामनेर येथे उत्साहाने साजरा करण्यात आला. या विशेष निमित्ताने समाजवादी पार्टीचे जामनेर तालुका अध्यक्ष रऊफ शेख यांच्या नेतृत्वात उपजिल्हा रुग्णालयातील रुग्णांना फळे आणि बिस्किटांचे वाटप करण्यात आले. या सेवाभावी उपक्रमामुळे रुग्ण आणि त्यांच्या नातेवाईकांमध्ये समाधानाची भावना निर्माण झाली.

रऊफ शेख यांनी या प्रसंगी सांगितले की, समाजवादी पार्टी सदैव गोरगरीब जनतेच्या सेवेत कार्यरत असून, सामाजिक बांधिलकीचे भान ठेवत आमचा हा उपक्रम राबवण्यात आला आहे. याशिवाय, जामनेर तालुक्यातील गरीब आणि गरजू नागरिकांसाठी 1000 रुपये किमतीचे राशन किट वाटप करण्यात येणार आहे. गरजूंना या उपक्रमातून मोठा आधार मिळणार आहे.  

या उपक्रमात समाजवादी पार्टीच्या कार्यकर्त्यांनी मोठ्या उत्साहाने सहभाग घेतला. उपस्थित पदाधिकाऱ्यांमध्ये तालुका उपाध्यक्ष रफिक शहा, तालुका सचिव मुखतार शेख, खजिनदार जाकिर बागवान, सदय शेख, साबीर जहीर खान, सलीम शेख, अमित कुरेशी, अमीन बागवान यांचा समावेश होता.समाजवादी पार्टीचा सामाजिक बांधिलकीचा अनोखा उपक्रम गोरगरीबांसाठी 1000 रुपये किमतीचे राशन किट लवकरच वाटणार असून .या उपक्रमामुळे समाजातील वंचित घटकांना मदतीचा हात पुढे करत, समाजवादी पार्टीने लोकसेवेला नवा आयाम दिला आहे.

Previous article

Next Post

Next article

Previous Post