जळगाव जिल्हास्तरीय भुलाबाई महोत्सवात जामनेरच्या तेजस्विनी महिला ग्रुपचा द्वितीय क्रमांक...

जळगाव जिल्हा प्रतिनिधी नितीन इंगळे 

जळगाव, 29 सप्टेंबर 2024: जळगाव येथे केशव स्मृती प्रतिष्ठान आणि ललित कला अकादमीच्या वतीने आयोजित जिल्हास्तरीय भुलाबाई महोत्सवात जामनेर येथील तेजस्विनी महिला ग्रुपने द्वितीय क्रमांक पटकावला आहे. या मंडळाने मागील आठवड्यात तालुकास्तरीय स्पर्धेत प्रथम क्रमांक मिळवत ट्रॉफी, पाच हजार रुपयांची रोख बक्षीस, आणि प्रमाणपत्र मिळवले होते. आजही जिल्हास्तरीय स्पर्धेत सहभाग घेऊन त्यांनी जामनेर तालुक्याची शान राखली आणि द्वितीय क्रमांकाचे पारितोषिक मिळवले.कार्यक्रमाच्या समारंभात खासदार सौ. स्मिता वाघ यांच्या हस्ते तेजस्विनी महिला ग्रुपला द्वितीय क्रमांकाचे पारितोषिक आणि प्रमाणपत्र प्रदान करण्यात आले. या ग्रुपमध्ये सौ. शर्वरी पेडगावकर, सौ. अनुराधा जोशी, सौ. सुनंदा जोशी, सौ. मेघा जोशी, सौ. अंजली कुलकर्णी, सौ. वासंती कुलकर्णी, सौ. सुनीता डोहळे, सौ. अनिता जोशी, सौ. अश्विनी जोशी, सौ. क्षमा जोशी, आणि सौ. स्नेहल कुलकर्णी यांचा समावेश आहे.

कार्यक्रमादरम्यान तबल्याची साथ चि. ऋग्वेद पेडगावकर यांनी दिली, ज्यामुळे त्यांच्या सादरीकरणाला अधिक गोडवा प्राप्त झाला.

Previous article

Next Post

Next article

Previous Post