जामनेरमध्ये दिलीप खोडपे यांचा शरद पवार गटात थोड्याच वेळात पक्षप्रवेश ...मोठ्या जनसमुदायासमोर उत्साहाची लाट
जामनेर: शरदचंद्र पवार यांच्या नेतृत्वाखालील राष्ट्रवादी काँग्रेस पक्षात आज नेरी येथील प्रसिद्ध नेते दिलीप खोडपे यांचा पक्षप्रवेश होत आहे. या ऐतिहासिक क्षणासाठी जामनेर शहरातील पाचोरा रोडवरील बोहरा मंगल कार्यालयात नागरिकांचा प्रचंड लोंढा उसळला आहे. पक्षप्रवेश सोहळ्याला उपस्थित राहण्यासाठी
अनेक स्थानिक व महत्त्वाचे नेते जमलेले आहेत.
या निमित्ताने जामनेर नगरपालिकेच्या चौकात कार्यकर्त्यांनी जल्लोष सुरू केला आहे. ढोल-ताशांचा गजर, जयघोष, आणि आनंदाचे वातावरण यामुळे चौकात उत्सवमूर्ती दृश्य पाहायला मिळत आहे. कार्यक्रमाच्या पुढील उत्सवाचे केंद्रबिंदू म्हणून 300 मोटरसायकलवरून भव्य रॅली काढण्यात येणार आहे. ही रॅली सध्या मार्गस्थ असून लवकरच प्रमुख कार्यकर्त्यांसह कार्यक्रमस्थळी पोहोचणार आहे.
कार्यक्रमाच्या ठिकाणी हजारो समर्थकांचा जनसमुदाय जमला असून, वातावरणात उत्साहाचे वारे वाहत आहे.
Previous article
Next article
Leave Comments
टिप्पणी पोस्ट करा