महाराष्ट्र
बक्षीहिप्परगे गावच्या उपसरपंचपदी रेखा बाळासाहेब गायकवाड यांची बिनविरोध निवड....
समीर शेख प्रतिनिधी
सोलापूर :दक्षिण सोलापूर तालुक्यातील बक्षीहिप्परगे येथील गावचे उपसरपंच मनोज महाडिक यांनी आपल्या पदाचा राजीनामा दिल्याने संबंधित रिक्त पदासाठी गावचे सरपंच विश्रांत गायकवाड यांच्या अध्यक्षतेखाली उपसरपंच निवडीसाठी बैठक बोलावण्यात आली.
संबंधित बैठकीच्या वेळेत रेखा बाळासाहेब गायकवाड यांचा एकमेव अर्ज आल्याने गावच्या नूतन उपसरपंच म्हणून त्यांची बिनविरोध निवड झाल्याचे निवडणूक निर्णय अधिकाऱ्यांनी घोषित केले.
उपसरपंच निवडीची प्रक्रिया गावच्या ग्रामसेविका दिपाली माने यांनी पाहिले.या निवडीनिमित्त उपसरपंच रेखा बाळासाहेब गायकवाड यांचा ग्रामपंचायत व ग्रामस्थ यांच्या वतीने सत्कार करण्यात आला.
यावेळी सरपंच विश्रांत गायकवाड , माजी सरपंच सिताराम राठोड , माजी सरपंच सोनाली जाधव , माजी उपसरपंच मनोज महाडिक , ग्रामपंचायत सदस्य भाऊसाहेब जाधव , शिवाभाऊ निकम , बाबासाहेब माने , तंटामुक्त समिती अध्यक्ष नानासाहेब जाधव , नागेश जाधव , ऍड स्वप्नील गायकवाड , रामप्रभु निकम आदी उपस्थित होते.
उपसरपंच निवडीची प्रक्रिया पार पडताच समर्थकांनी फटाके उडवून व ग्रामस्थांना पेढे वाटून विजयोत्सव साजरा केला.या निवडीदरम्यान मोठ्या संख्येने समर्थक उपस्थित होते.
Previous article
Next article
Leave Comments
टिप्पणी पोस्ट करा