जामनेर-भुसावळ रोडवरील घाटीत भीषण अपघात: फोर व्हिलरची धडक, दोन युवक गंभीर जखमी; चालक फरार
जामनेर-भुसावळ रोडवरील घाटीत आज सकाळी 11 वाजता झालेल्या भीषण अपघातात एक फोर व्हिलर वाहनाने दुचाकीला जोरदार धडक दिली. या धडकेत दुचाकीवरील दोन युवक गंभीर जखमी झाले असून, फोर व्हिलरचा चालक अपघातानंतर गाडी सोडून घटनास्थळावरून फरार झाला आहे.प्राथमिक माहितीनुसार, महुखेडा येथील अमोल अनिल राठोड (वय 20) हे गंभीर जखमी झाले असून, त्यांना तातडीने जळगाव येथील रुग्णालयात हलवण्यात आले आहे. तर अरुण रमेश राठोड हे किरकोळ जखमी झाले असून त्यांना जामनेर उपजिल्हा रुग्णालयात उपचारासाठी दाखल करण्यात आले आहे.
घटनेची माहिती मिळताच जामनेर पोलीस निरीक्षक मुरलीधर कासार आपल्या पथकासह घटनास्थळी दाखल झाले आणि अपघातात सामील असलेली फोर व्हिलर जप्त करून पोलीस स्टेशनला हलवली आहे. सध्या फोर व्हिलर चालकाचा शोध सुरू असून, जामनेर पोलीस पुढील तपास करत आहेत.या अपघातामुळे जामनेर-भुसावळ रोडवरील वाहतूक काही काळ ठप्प झाली होती. नागरिकांनी फोर व्हिलर चालकाला लवकरात लवकर पकडून कठोर कारवाईची मागणी केली आहे. जामनेर उपजिल्हा रुग्णालयात नागरिकांची आणि नातेवाईकांची मोठी गर्दी जमलेली होती.
Previous article
Next article
Leave Comments
टिप्पणी पोस्ट करा