नाथाभाऊंनी दिली भाजप प्रवेशावर स्पष्ट भूमिका.. विरोध होईल, निर्णय घ्यावाच लागेल

जळगाव जिल्हा प्रतिनिधी नितीन इंगळे 

नाथाभाऊंनी आज पत्रकार परिषदेत भाजप प्रवेशाबाबत अनिश्चितता व्यक्त केली आहे. त्यांनी स्पष्ट केले की, भारतीय जनता पार्टीत प्रवेश करण्यासाठी त्यांची इच्छा होती, परंतु अद्याप पक्षाकडून कोणताही ठोस प्रतिसाद मिळालेला नाही. नाथाभाऊंनी सांगितले की, त्यांनी राष्ट्रवादी काँग्रेसचा राजीनामा शरद पवार साहेबांकडे दिला आहे, परंतु पवार साहेबांनी तो स्वीकारलेला नाही. त्यामुळे ते अजूनही राष्ट्रवादी काँग्रेसचे आमदार आहेत. त्यांनी यावेळी सांगितले की, भारतीय जनता पार्टीत प्रवेश करण्याची त्यांची इच्छा होती, परंतु काही अडचणींमुळे आणि पक्षाकडून मिळालेल्या प्रतिसादाच्या अभावामुळे त्यांना आता पुन्हा राष्ट्रवादीत परतण्याचा विचार करावा लागतो आहे.आजच्या पत्रकार परिषदेत नाथाभाऊंनी आणखी असेही सांगितले की, भारतीय जनता पार्टीच्या वरिष्ठ नेत्यांच्या उपस्थितीत त्यांच्या प्रवेशाची तयारी झाली होती. मंत्री रक्षा खडसे यांच्या उपस्थितीत हा प्रवेश झाला होता, आणि यावेळी फोटोही काढले गेले. मात्र, पक्षातील काही लोकांच्या विरोधामुळे हा प्रवेश जाहीर झालेला नाही.नाथाभाऊंनी स्पष्ट केले की, ते काही दिवस आणखी भाजपकडून प्रतिसादाची वाट पाहतील, पण जर त्यांना उत्तर मिळाले नाही, तर ते राष्ट्रवादी काँग्रेसमध्ये परत येऊन काम करतील. नाथाभाऊंच्या या वक्तव्यामुळे राजकीय वर्तुळात चर्चांना उधाण आले असून, त्यांच्या पुढील पावलाकडे सर्वांचे लक्ष आहे.

Previous article

Next Post

Next article

Previous Post