दक्षिण विधानसभा मार्ग फाउंडेशन लढविणार ; मार्ग फाउंडेशन अध्यक्ष संतोष पवार राजकीय इच्छा नसल्यानेच सोलापूरचा विकास खुंटला ; संतोष पवार

समीर शेख प्रतिनिधी

सोलापूर : दक्षिण सोलापूर राजकीय इच्छा नसल्याने सोलापूरचा विकास खुंटला आहे.तालुक्याचा चेहरामोहरा बदलण्यासाठी दक्षिण विधानसभा

मार्ग फाउंडेशनकडून लढविण्याचा निर्धार केल्याचे प्रतिपादन मार्ग फाउंडेशनचे अध्यक्ष संतोष पवार यांनी पत्रकार परिषदेत केले. विजापूर रस्त्यावरील व्हाईट हाऊस येथील पत्रकार परिषदेत बोलत होते. मार्ग फाउंडेशनकडून विधानसभा, महापालिका, जिल्हा परिषद, पंचायत समिती निवडणूक लढवणार असल्याची घोषणा केली.

    संतोष पवार म्हणाले, अनेक वर्षांपासून मार्ग फाउंडेशनच्या माध्यमातून सामाजिक कार्य करतोय. मागील विधानसभेला काही 1 उमेदवारांना मदत केली आहे. अक्कलकोट, दक्षिण सोलापूर आणि उत्तर सोलापूर भागातील शेतकऱ्यांचे प्रश्न, महिलांचे प्रश्न, युवकांचे प्रश्न यावर आवाज उठवला. शहरी भागातील हद्दवाढ भागात अनेक प्रश्न प्रलंबित आहेत. बारामतीकरांनी जितकी पदे भूषविली आहेत ती सर्व सोलापूरकरांनी भूषविली आहेत. मग सोलापूरचा बारामतीसारखा विकास का झाला नाही? विमानतळाचे उद्घाटन माजी खासदारांकडून केले. सर्व लोकप्रतिनिधी का उपस्थित नव्हते? म्हणूनच राजकीय इच्छाशक्ती नसल्याने सोलापूरचा विकास खुंटल्याचा आरोप करत येणाऱ्या निवडणुका लढवणार असल्याची घोषणा मार्ग फाउंडेशनचे अध्यक्ष संतोष पवार यांनी केले. 

      राष्ट्रवादी काँग्रेस शरद पवार गटाकडून तिकीट आणण्यासाठी शंभर टक्के मी प्रयत्नशील आहे, असे सांगताना झोपलेल्या जनतेला तुतारी वाजवून किंवा सिलिंडर फोडून उठवू असेही ते म्हणाले. यावरून पवार हे वंचित बहुजन आघाडीकडून इच्छुक असल्याचे स्पष्ट होते.

  या पत्रकार परिषदेस आसिफ यत्नाळ, सुनील जाधव, संतोष राठोड आदी पदाधिकारी उपस्थित होते.

  🔴मी आमदार होणारच....

मार्ग फाउंडेशनच्या माध्यमातून विकास करण्याचा प्रयत्न करत आहोत. आयुष्यात आपण एकदा तरी आमदार होऊन दाखवणारच. पत्रकारांनी विधान परिषदेचा प्रश्न सुचवला असता, आपण मागच्या दरवाजाने नाहीतर पुढच्या तर दरवाजा विधीमंडळात जाऊन जनतेची सेवा करणार आणि आपण आमदार होणारच आणि जनतेची सेवा करणारच :-

संतोष पवार, अध्यक्ष, मार्ग फाउंडेशन, सोलापूर

Previous article

Next Post

Next article

Previous Post