पहुर येथे रेल्वे मालधक्का मंजूर – गिरीश महाजन यांच्या प्रयत्नांना यश, विकासाच्या दिशेने मोठे पाऊल

जळगांव जिल्हा प्रतिनिधी नितीन इंगळे 

जामनेर, ता. १३ एप्रिल 

जामनेर विधानसभा मतदारसंघातील पहुर येथे रेल्वे मालधक्का (Goods Terminal) उभारण्यासाठी केंद्र शासनाने अधिकृत मंजुरी दिली असून, या निर्णयामुळे पहुर व परिसरातील ग्रामस्थांमध्ये उत्साहाचे वातावरण निर्माण झाले आहे. हा प्रकल्प संपूर्ण भागाच्या औद्योगिक आणि आर्थिक विकासासाठी मैलाचा दगड ठरणार आहे.

या महत्वाकांक्षी योजनेसाठी राज्याचे जलसंपदा व आपत्ती व्यवस्थापन मंत्री तथा जामनेरचे आमदार मा. गिरीशभाऊ महाजन यांनी केंद्र सरकारकडे सातत्याने पाठपुरावा केला होता. दिल्लीमध्ये रेल्वे मंत्रालयाशी वेळोवेळी चर्चा करून, पहुर परिसरातील गरजा व त्यातून होणाऱ्या संभाव्य लाभांची ठोस मांडणी केली. त्यांच्या या अथक प्रयत्नांना अखेर यश मिळाले आहे.

रेल्वे मालधक्क्यामुळे स्थानिक शेतकरी, व्यापारी व उद्योजक यांना माल वाहतुकीसाठी एक सक्षम व वेगवान पर्याय उपलब्ध होणार आहे. माल पुरवठा वेळेत होईल, वाहतूक खर्चात बचत होईल आणि स्थानिकांना रोजगाराच्या नव्या संधीही निर्माण होतील. हे सर्व मिळून पहुर परिसरासाठी एक नवे औद्योगिक युग सुरू होणार आहे.

या ऐतिहासिक निर्णयाबद्दल स्थानिक ग्रामस्थांनी समाधान व्यक्त केले असून, गिरीशभाऊ महाजन यांच्या प्रयत्नांचे खुले दिलाने कौतुक केले आहे. गावात ठिकठिकाणी जल्लोषात फटाके फोडून, मिठाई वाटून आनंद साजरा करण्यात आला.

ग्रामस्थ म्हणाले, “गिरीशभाऊंच्या दूरदृष्टी व मजबूत नेतृत्वामुळे आज पहुरला विकासाचे नवे दालन खुले झाले आहे. हा दिवस आमच्यासाठी ऐतिहासिक ठरणार आहे.”

संपूर्ण मतदारसंघात या निर्णयाचे स्वागत होत असून, पहुर रेल्वे मालधक्का हा ग्रामीण भागाच्या प्रगतीचा नवा अध्याय ठरणार आहे.

जनतेच्या पाठिंब्याने आणि सक्रिय नेतृत्वामुळे  पहुरच्या विकासात नवीन क्षितिजं

Previous article

हनुमान जन्मोत्सवानिमित्त अंत्रोळी येथे भव्य रक्तदान शिबीराचे आयोजन ; या रक्तदान शिबिरास युवकांचा चांगला प्रतिसाद..

Next article

जामनेर तालुक्याची महसूल वसुलीत विक्रमी कामगिरी – १५२.८६ टक्के वसुली; जिल्ह्यात दुसरा क्रमांक