आर्ट्स कॉमर्स आणि सायन्स महाविद्यालयात विद्यार्थ्यांना माहिती अधिकार कायद्याचे मार्गदर्शन माहिती अधिकार दिनानिमित्त व्याख्यानाचे आयोजन

आर्ट्स कॉमर्स आणि सायन्स महाविद्यालयात विद्यार्थ्यांना माहिती अधिकार कायद्याचे मार्गदर्शन

 माहिती अधिकार दिनानिमित्त व्याख्यानाचे आयोजन

जळगाव जिल्हा प्रतिनिधी नितीन इंगळे 

जामनेर येथील GDM आर्ट्स, KRN कॉमर्स व MD सायन्स महाविद्यालयात आज माहिती अधिकार दिनानिमित्त व्याख्यानाचे आयोजन करण्यात आले. या कार्यक्रमात न्यूज नेशन इंडिया चे वार्ताहर व स्पंदन महाराष्ट्रचे संपादक मोहन दुबे यांनी प्रमुख व्याख्यान दिले.

माहिती अधिकार कायद्याचे सविस्तर मार्गदर्शन

आपल्या भाषणात मोहन दुबे यांनी माहिती अधिकार अधिनियम 2005 विषयी उपस्थितांना सविस्तर माहिती दिली. या कायद्याचे महत्त्व, त्याचा योग्य वापर आणि संभाव्य दुरुपयोग यावर त्यांनी प्रकाश टाकला. प्रत्येक नागरिकाने या कायद्याचा समाजहितासाठी उपयोग करून पारदर्शकता राखणे गरजेचे असल्याचे त्यांनी स्पष्ट केले. तसेच विद्यार्थ्यांनी विचारलेल्या प्रश्नांची त्यांनी समाधानकारक उत्तरे दिली.

मान्यवरांची उपस्थिती

कार्यक्रमाच्या अध्यक्षस्थानी महाविद्यालयाचे प्राचार्य डॉ. आर. एस. खडायते होते. उपप्राचार्य प्रा. डी. एस. पाटील, कला शाखाप्रमुख डॉ. विजयेंद्र पाटील, विद्यार्थी कल्याण मंडळ प्रमुख प्रा. संजय इंगळे, राष्ट्रीय सेवा योजना विभाग प्रमुख प्रा. आर. डी. वाघ तसेच इतर प्राध्यापक आणि विद्यार्थी मोठ्या संख्येने उपस्थित होते.

कार्यक्रमाचे आयोजन

हा कार्यक्रम विद्यार्थी कल्याण मंडळ व राष्ट्रीय सेवा योजना विभागाच्या संयुक्त विद्यमाने पार पडला. सूत्रसंचालन प्रा. अक्षय घोरपडे यांनी केले, प्रास्ताविक प्रा. संजय इंगळे यांनी तर आभार प्रदर्शन प्रा. अंशुमन मिश्रा यांनी केले.

कार्यक्रमाला मोठ्या संख्येने विद्यार्थी व प्राध्यापक उपस्थित होते आणि माहिती अधिकार कायद्याबाबत उत्स्फूर्त प्रतिसाद मिळाल्याचे आयोजकांनी सांगितले.

Previous article

Next Post

Next article

Previous Post