“जळीत ते पूर... प्रत्येक वेळी मदतीला धावले ‘एम. के. फाऊंडेशन’ ; महादेव कोगनुरे बनले आशेचा किरण! ”जळीतग्रस्त, पूरग्रस्त, अनाथ व विद्यार्थ्यांसाठी मदतीचा हात ; दिवाळीत फराळ वाटपाने निर्माण केला आनंदाचा सोहळा...

समीर शेख प्रतिनिधी 

सोलापूर : समाजसेवेचा ध्यास घेऊन कार्य करणारे एम. के. फाऊंडेशनचे अध्यक्ष महादेव कोगनुरे यांनी विविध सामाजिक उपक्रमांतून लोकांच्या मनात घर केले आहे. त्यांच्या पुढाकाराने जळीतग्रस्त, पूरग्रस्त आणि अनाथ नागरिकांना मदतीचा हात देत फाऊंडेशनने खऱ्या अर्थाने मानवतेची सेवा घडवून आणली आहे.

   अलीकडच्या काळात पूर आणि नैसर्गिक आपत्तीमुळे अडचणीत सापडलेल्या कुटुंबांना अत्यावश्यक वस्तूंचे वाटप करून महादेव कोगनुरे यांनी समाजाशी असलेली बांधिलकी जपली. गरजू कुटुंबांच्या डोळ्यात अश्रू आणि चेहऱ्यावर हसू एकाचवेळी उमटवणारा हा उपक्रम सर्वत्र कौतुकाचा विषय ठरला आहे.

    शैक्षणिक क्षेत्रातही सागर सिमेंट व फाऊंडेशनचे योगदान लक्षणीय आहे. प्रत्येक वर्षी जिल्हा परिषद प्राथमिक शाळेतील विद्यार्थ्यांना दोन लाख वह्यांचे वाटप करून शिक्षणाला चालना दिली. ग्रामीण भागातील विद्यार्थ्यांना आवश्यक शैक्षणिक साहित्य उपलब्ध करून देत त्यांचा आत्मविश्वास वाढविण्याचे कार्य या माध्यमातून करण्यात आले.

    याशिवाय, दिवाळी सणाच्या पार्श्वभूमीवर अनाथ व गरजू कुटुंबांना फराळ वाटप करून फाऊंडेशनने ‘आनंदाची दिवाळी सर्वांसाठी’ हा संदेश दिला. महादेव कोगनुरे यांच्या पुढाकाराने या उपक्रमात अनेक कार्यकर्ते, स्वयंसेवक आणि ग्रामस्थ उत्साहाने सहभागी झाले.

    एम. के. फाऊंडेशनचे अध्यक्ष महादेव कोगनुरे हे नेहमीच समाजातील प्रत्येक घटकापर्यंत पोहोचून त्यांच्या अडचणी समजून घेण्याचा प्रयत्न करतात. त्यांचे म्हणणे स्पष्ट आहे — “सेवा हीच खरी पूजा, आणि मदत हीच खरी दिवाळी.”

   फाऊंडेशनच्या या कार्यामुळे समाजात ऐक्य, संवेदना आणि सकारात्मकतेचा संदेश पोहोचत आहे. गावकऱ्यांकडून व सामाजिक संस्थांकडून त्यांच्या कार्याचे भरभरून कौतुक करण्यात येत असून, अनेक तरुणांना त्यांच्या प्रेरणेने समाजकार्यात सहभागी होण्याची ऊर्जा मिळत आहे.

Previous article

Next Post

Next article

Previous Post