दिव्यांग मुलांच्या स्वावलंबनासाठी आयुष्य वेचणाऱ्या मीनाक्षी शिंदे मॅडम यांना वाढदिवसाच्या हार्दिक शुभेच्छा.....

समीर शेख प्रतिनिधी
 सोलापूर : आगळगांव (ता. बार्शी) येथील भारतमाता बहुउद्देशीय संस्था संचलित मूकबधिर मुलांची निवासी शाळा यांच्या कर्तव्यदक्ष व विद्यार्थीप्रिय मुख्याध्यापिका मीनाक्षी शिंदे मॅडम यांना वाढदिवसानिमित्त हार्दिक शुभेच्छा. त्यांचे पुढील आयुष्य निरोगी, सुखी, समाधानकारक व समृद्ध जावो, हीच सदिच्छा.

    मूकबधिर विद्यार्थ्यांच्या सर्वांगीण विकासासाठी मीनाक्षी शिंदे मॅडम यांचे योगदान अतुलनीय आहे. सुरक्षित, समावेशक व प्रेरणादायी शैक्षणिक वातावरण निर्माण करून त्यांनी मूकबधिर विद्यार्थ्यांना मुख्य प्रवाहात आणण्याचे महत्त्वपूर्ण कार्य केले आहे. विशेष प्रशिक्षणप्राप्त शिक्षक, आवश्यक शैक्षणिक साधने, भौतिक सुविधा तसेच शैक्षणिक, सामाजिक व भावनिक विकासाला चालना देणारे उपक्रम त्यांच्या नेतृत्वाची साक्ष देतात.

    मुख्याध्यापिका म्हणून त्या केवळ प्रशासक नसून शिक्षक, विद्यार्थी, पालक, शिक्षण व्यवस्था व समाज यांच्यातील मजबूत दुवा आहेत. शाळेचे प्रशासन सुरळीत ठेवत, शिक्षकांना मार्गदर्शन करणे, विद्यार्थ्यांची प्रगती सुनिश्चित करणे, नवनवीन उपक्रम राबवणे आणि शाळेची सामाजिक प्रतिमा उंचावणे हे कार्य त्या सातत्याने करीत आहेत.

    केवळ पुस्तकी शिक्षणापुरते न थांबता, खेळ, सांस्कृतिक कार्यक्रम व विविध उपक्रमांत मूकबधिर विद्यार्थ्यांना सहभागी करून त्यांचा आत्मविश्वास वाढविण्याचे कार्य मॅडम सातत्याने करतात. विद्यार्थी, पालक व शिक्षकांच्या अडचणी समजून घेऊन त्यावर संवेदनशीलतेने उपाय शोधणे, तसेच समाजामध्ये मूकबधिर विद्यार्थ्यांबाबत जागरूकता निर्माण करणे, हे त्यांचे विशेष योगदान आहे.

    विद्यार्थीप्रिय व शिस्तप्रिय व्यक्तिमत्त्व म्हणून त्या सर्व कर्मचारी व विद्यार्थ्यांना आपलेसे वाटतात. कधी हक्काने रागावून तर कधी प्रेमाने समजावून सांगत, नेहमीच विद्यार्थी व शाळेच्या हिताचा विचार करणाऱ्या, वरिष्ठ पदावर असूनही कोणताही गर्व न बाळगता सर्वांसोबत मिळून काम करणाऱ्या मीनाक्षी शिंदे मॅडम प्रत्येक विद्यार्थ्यांसाठी प्रेरणास्थान आहेत.

     थोडक्यात, मूकबधिर विद्यार्थ्यांना सन्मानाने जगण्याची, शिकण्याची व स्वावलंबी होण्याची दिशा देणाऱ्या मा. मीनाक्षी शिंदे मॅडम या केवळ मुख्याध्यापिका नसून त्या एक मार्गदर्शक, आधारस्तंभ आणि समाजासाठी आदर्श नेतृत्व आहेत.

— बहुजन आवाज न्यूज चॅनल

संपादक : विजयकुमार लोंढे

Previous article

Next Post

Next article

Previous Post